आईफोन-१८ को क्यामेरामा केके परिवर्तन भए, केके फिचर थपिए ?

२५ भदौ, काठमाडौं । एप्पलले ९ सेप्टेम्बर २०२६ मा आयोजित वार्षिक फल इभेन्ट मार्फत आफ्नो फ्ल्यागसिप आईफोन १८ प्रो सार्वजनिक गर्दै क्यामेरा फिचरमा उल्लेखनीय परिवर्तन गरेको छ। कम्पनीका अनुसार यस नयाँ मोडलमा प्रयोगकर्ताहरूले पहिलोपटक फिजिकल एपरचर नियन्त्रण गर्न पाउनेछन्; जसले गर्दा प्रकाशको मात्रा र ‘डेप्थ अफ फिल्ड’ लाई आफैं अनुकूलन गर्न सकिनेछ। १. म्यानुअल एपरचर ब्लेड प्रविधि आईफोन १८ प्रोको मुख्य आकर्षण यसमा रहेको ४८ मेगापिक्सेलको भेरिएबल एपरचर क्यामेरा हो। एप्पलका वर्ल्डवाइड आईफोन प्रडक्ट मार्केटिङका भाइस प्रेसिडेन्ट काइयान ड्रेन्सका अनुसार, यस प्रविधिका लागि मानिसको कपालभन्दा पनि पातला ६ वटा लेजर–कट पोलिमर कम्पोजिट ब्लेडहरू विकास गरिएको छ। यी ब्लेडहरूले रोटर मेकानिजम र कस्टम लेन्सको मद्दतले काम गर्छन्।

कम उज्यालो वा अँध्यारो स्थानमा फोटो खिच्दा यो एपरचर आफैं खुलेर ५० प्रतिशतसम्म बढी प्रकाश भित्र छिर्न दिन्छ। २. प्रो कन्ट्रोल र म्यानुअल सेटिङ्स प्रोफेसनल फोटोग्राफरहरूका लागि एप्पलले क्यामेरा एपभित्रै ‘प्रो कन्ट्रोल’ फिचर थपेको छ। यसको मद्दतले प्रयोगकर्ताले चारवटा फरक एपरचर अप्सनहरू छान्न, ह्वाइट ब्यालेन्स मिलाउन, सटर स्पिड परिवर्तन गर्न, एक्सपोजर जाँच गर्न हिस्टोग्राम प्रयोग गर्न र छालाको बनावट (स्किन टेक्स्चर) सम्म म्यानुअल्ली समायोजन गर्न सक्नेछन्। ३. नयाँ सफ्टवेयर र भिडियो अपडेटहरू सिनेमाटिक इफेक्ट्स : साधारण भिडियो रेकर्ड गरिसकेपछि पनि त्यसमा ६० एफपीएस सम्मको सिनेमाटिक मोड हाफ–स्पिड इफेक्ट थप्न सकिनेछ। के टाइम–ल्याप्स : डल्बी भिजन एचडीआरमा ४के रिजोल्युसनसहित टाइम–ल्याप्स भिडियोहरू खिच्न सकिनेछ। अडियो मिक्स : उच्च गुणस्तरको भ्वाइस रेकर्डिङका लागि अडियो मिक्सको एल्गोरिदम सुधार गरिएको छ र अब यसले ब्याकग्राउन्ड म्युजिक पनि सपोर्ट गर्छ।

४. स्मार्ट फोकस ट्र्याकिङ र एप्पल रेफरेन्स इमेज स्मार्ट फोकस ट्र्याकिङ : अन–डिभाइस एआईमा आधारित यो फिचरले गुडिरहेका वा चलिरहेका वस्तु/व्यक्तिमा फोकस लक गरिराख्छ। विषयवस्तु फ्रेमबाहिर गएर पुनः भित्र आउँदा वा गहिराइ (डेप्थ) फेरिँदा पनि यसले फोकस गुम्न दिँदैन। एप्पल रेफरेन्स इमेज (प्रामाणिकता) : फोटोहरू एआईबाट बनाइएका हुन् वा वास्तविक हुन् भनी प्रमाणित गर्न यो फिचर ल्याइएको छ। फोटो खिच्नेबित्तिकै क्यामेरा सेन्सरले पिक्सेल लेभलमा डेटा सुरक्षित तरिकाले साइन गर्छ र प्राइभेट क्लाउड कम्प्युटमार्फत रेफरेन्स इमेज तयार गर्छ।